Stop -EMISIONI 49 (SEZONI 5) 7 nentor 2019-Durres/ Vendimi absurd i gjyqtarit me fatura false,per pronen e Kujtim Huqit. – Stop
STOP

Stop -EMISIONI 49 (SEZONI 5) 7 nentor 2019-Durres/ Vendimi absurd i gjyqtarit me fatura false,per pronen e Kujtim Huqit.

“Stop” është ndalur në Durrës, për një rast korrupsioni të gjyqësorit me pronat.Kujtim Huqi tregon, se në vitin 2012 ka ndërtuar një shtëpi dhe për këtë i duhej një firmë ndërtimi e licensuar, që do të realizonte punimet.Ai lidhet me firmën e ndërtimit “Qypi sh.p.k”, të cilës i shlyen detyrimet përmes bankës.Pas 4 vjetësh, firma e ndërtimit pretendon, se Kujtimi nuk ka paguar bazën materiale dhe për të përligjur këtë pretendim, falsifikon 3 fatura tatimore.Në gjykatën e shkallës së parë Durrës, cështja po gjykohej nga Vladimir Skënderi, kur seancat u ndërprenë, pasi paralelisht Prokuroria e Durrësit, nisi një hetim për falsifikimin e 3 faturave tatimore. Në fund të procesit, gjykata shpalli fajtor firmën “Qypi”, duke dënuar me 6 muaj burg administratorin e saj. Pavarësisht këtij vendimi, gjyqtari i ngarkoi një gjobë prej 9 milionë lekësh Kujtimit.Absurdi nuk përfundoi këtu. Apeli i Durrësit dhe gjyqtari Tritan Hamitaj, vendosi të rrisë gjobën në 23 milionë lekë.

Presidenti Meta ndodhet për vizitë në Kalabri, për të marrë pjesë në një konferencë për figurën e Antonio Gramshit.Me këtë rast, “Stop” sjell një version të vecantë të këngës arbëreshe Lule-Lule.Më pas transmetojmë një video, ku tregohet, sesi një i moshuar 85 vjecar në Lushnje, ka ngecur në ashensor, pas ndërprerjes së energjisë elektrike. Është dashur ndërhyrja e zjarrfikësve, për të shpëtuar të moshuarin.

“Stop” i rikthehet rastit të 3 vjecarit, Omar, i rrëmbyer nga i ati, një shtetas sirian.Pas publimit të problematikës, siriani kërkcënon ish bashkëshorten, të ëmën e Omarit, ndërsa partnerja e tij, tregon përmes videove, sesi ka kaluar me djalin e vogël në 4 aeroporte me dokumenta false. Arben Llangozi, Avokati i Xhilda Lekës, tregon, se pasi këto prova u paraqitën në “Stop”, ato iu vunë në dispozicion OPGJ-së dhe Prokurorit të cështjes Leonard Filopati. Ky i fundit thotë, se e ka njohur me dy akuza shtetasin Sirian: “Kalimi i paligjshëm i Kufirit”, si dhe me “Përdorim i dokumentave të fallsifikuara”.Nga ana tjetër, në Prokurorinë e Krimeve të Rënda avokati Llangozi, ka bërë kallzim edhe për shtetasen algjeriane për “trafikim të të miturve”.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *