Stop-EMISIONI 187(SEZONI 5) 19 Maj 2020- I ra borise e parakaloi kreun e policise, gjobe e bllokim patente! – Stop
STOP

Stop-EMISIONI 187(SEZONI 5) 19 Maj 2020- I ra borise e parakaloi kreun e policise, gjobe e bllokim patente!

Sot është ndalur në Shkodër për problemin e qytetarit Oltion Shpendi, i cili ka shtetësi franceze dhe ka ardhur në Shqipëri pasi ka gruan shtatzënë dhe ka ngecur nga pandemia. Ai tregon, se i është bllokuar patenta dhe makina dhe ka qëndruar i ndaluar për 7 orë, pasi i ra borisë dhe parakaloi një automjet tip Range Rover, që kishte bllokuar rrugën dhe që rezultoi të ishte e drejtorit të Policisë së Qarkut Shkodër, Niko Brahimaj. Ky i fundit, pas këtij gjesti urdhëroi patrullën e policisë, që të ndalonte dhe arrestonte Oltionin vetëm 300 metra nga vendi, kur ai i kishte rënë borisë, edhe pse nuk kishte bërë asnjë shkelje.

Përmes një filmimi, që Oltioni ka bërë në momentin e ndalimit, efektivët e policisë konfirmojnë, se ka dhënë urdhër shefi i madh dhe nuk ka asnjë arsye tjetër për këtë ndalim.Madje polici e këshillon, që t’i kërkojë falje shefit, që të mos ketë probleme.

Me këngën “A do vish sivjet në plazh” nis emisioni i sotëm, në kushtet kur sezoni i plazhit është vënë në dyshim për shkak të pandemisë së koronavirusit. 17 maji duket se është bërë një datë-mallkim në politikën shqiptare, qysh nga marrëveshja e vitit 2017 të kësaj date, kur Edi Rama i dhanë dorën njëri-tjetrit e bashkëqeverisën për disa muaj, deri në zgjedhjet e përgjithshme. Ndërsa sivjet, në të gdhirë të 17 majit 2020, fadromat shembën godinën e teatrit kombëtar mes shumë debateve e protestave, që vijonin prej rreth 2 vjetësh.

Për rastin e shtetasit shqiptaro-francez Oltion Shpendi, ne iu drejtuam policisë Rrugore Shkodër, për të mësuar, sesi ishte justifikuar ndalimi dhe bllokimi i automjetit të tij. Si arsye ishte shkruar, që qytetari kishte kaluar fashën e orarit të lejuar për qarkullim, ndaj do t’i bllokohej patenta dhe automjeti de do të gjobitej. Specialisti i Policisë rrugore Shkodër, di vetëm të thotë, se qytetari duhet të ankohej.Meqë kemi të bëjmë me një patentë të huaj, si procedurë bllokimi e ka Prefektura, ndaj ne u drejtuam në këtë institucion. Por cuditërisht Prefektura Shkodër e komisioni kishte marrë vendim një ditë më parë për bllokimin e patentës së Oltion Shpendit për 3 vjet.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *