STOP – EMISIONI 170 (SEZONI 3) 27 prill 2018 94 vjec, e vetme dhe pa drita, Stop zgjidh problemin e nënë Hasimesë. – Stop
STOP

STOP – EMISIONI 170 (SEZONI 3) 27 prill 2018 94 vjec, e vetme dhe pa drita, Stop zgjidh problemin e nënë Hasimesë.

Në zonën e Tufinës jeton e vetme 94-vjeçarja Hasime Veizi, të cilës si të mos mjaftonin problemet e moshës dhe vetmia, prej 2 muajsh nuk ka energji elektrike.

“Nuk kam dëgjuar e nuk kam parë që të lesh një plakë 3-4 muaj pa drita që të bjerë nga krevati. Nuk më mori Zoti, më la për të vuajtur!”, u shpreh me lot në sy e moshuara.

Djali i saj, Bilbil Veizi tregoi se pas vdekjes së të vëllait që jetonte me Hasimen, i ka paguar ai faturat e energjisë elektrike, por kontrata me OSHEE-në është në emër të një tjetër vëllai, që jeton jashtë Shqipërisë.

“Ku është e drejta e njeriut? Që të jetojë dhe kjo plakë si gjithë të tjerët! Unë i bëj thirrje qeveritarëve që ta shohin këtë gjendje dhe jo të më sorrollasin mua për të ardhur e për t’i lidhur një dritë kësaj plake këtu”, tha i shqetësuar Bilbili.

Emisioni “Stop” u interesua pranë degës së OSHEE-së në Kinostudio. se përse nuk bëhet lidhja e energjisë elektrike për nënën 94-vjeçare.

Drejtori i Divizionit Tregtar OSHEE, Elton Sevrani u shpreh se ky është një rast i veçantë për rregulloren e këtij institucioni, pasi detyrimi duhet të shlyhet nga vetë mbajtësi i kontratës, pra djali i Hasimes që ndodhet në SHBA.

“Por duke qënë se kemi të bëjmë me një situatë specifike, kur mamaja e të dy zotërinjve ndodhet në kushtet që duhet të ketë furnizim me energji elektrike. Ne kemi pranuar këtë kërkesë të zotërisë për të qenë ai likujduesi i këtij detyrimi“, tha drejtori Sevrani.

Ditën tjetër, punonjësit e OSHEE-së i rilidhën energjinë elektrike 94-vjeçares, Hasime Veizi. “Shyqyr që më hapët sytë se më ishin zënë. Rrofshi e qofshi, Zoti ju dhëntë shëndet e u bëfshi 200 vjeç!”, u shpreh e entuziasmuar e moshuara.

Masakra në Gjirin e Lalzit dhe hipoteka në duart e qytetarit shkodran.

Në nisje të emisioni transmetohet një video e sjellë në “Stop” nga një qytetar,kur tregohet masakra, që po bëhet me prerjen e druve në zonën e Gjirit të Lalzit. Më pas rikujtohet rasti i qytetarit nga Shkodra Agim Nabolli, i cili kërkoi ndihmën e emisionit tonë, për të regjistruar në hipotekë banesën e tij.Agimi tashmë ka marrë certifikatën e pronësisë dhe falenderon emisionin “Stop” për këtë.

Ishëm, humanizëm e solidaritet për familjen Likmeta.

“Stop” në misionin e vet humanitar është ndalur në fshatin Ishëm, aty ku jeton familja Likmeta, e cila përbëhet nga 6 anëtarë.Fatmir Likmeta tregon, se familja mbahet me 100 mijë lekë të vjetra, që përfiton gruaja nga kempi.Shtëpia i është djegur dhe nuk kanë të ardhura, për ta rregulluar atë.Stop, Fundjava Ndryshe dhe disa qytetarë i kanë siguruar familjes Likmeta ushqimet për 3 muaj dhe disa të ardhura shtesë.

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *