STOP-EMISIONI 149(SEZONI 7) 30 Mars 2022-Çmontonte çati pa masa sigurie,si ra dhe humbi jeten punetori i ndertimit. – Stop
STOP

STOP-EMISIONI 149(SEZONI 7) 30 Mars 2022-Çmontonte çati pa masa sigurie,si ra dhe humbi jeten punetori i ndertimit.

Djali 24 vjec i Xhovalin Pepajt denoncon në Stop” vdekjen e babait të tij 48 vjecarit brenda një rrethimi, ku do të ndërtohen pallate. Brenda kantierit ndodhet godina e vjetër e ish-pularisë, ku Xhovalini bashkë me shokun e tij punonin në të zezë, duke cmontuar catinë e godinës. Një mëngjez 48 vjecari rrëshkiti në një llamarinë dhe u rrëzua duke humbur jetën në mënyrë të menjëhershme.Ngjarja e rëndë ka rreth një javë, që ka ndodhur në dalje të Tiranës, pranë doganës.Shoku i ngushtë i të ndjerit nuk pranon t’i tregojë të birit të viktimës, se për kë punonin në cmontimin e catisë.Po kështu as inxhinieri, as rojet nuk i flasin, për puojnë dhe kush ia dha punën Xhovalin Pepajt.

Presidenti serb Vucic dhe kryeministri hungarez Orban kanë përuruar një hekurudhë, që lidh dy vendet. Video, ndërsa të dy përshëndesin nga treni, por jashtë nuk ka njeri, është bërë virale. Në të kundërt të këtij episodi, takimet e kryeministrit shqiptar Edi Rama këto ditë në Manzë e Kavajë janë pritur me këngë, valle e brohorima.

Pas denoncimit të djalit të Xhovalin Pepajt, i cili kërkon të dijë, sesi humbi jetën i ati duke cmontuar catinë, gazetari i “Stop” shkoi në vendngjarje.Pas incidentit të rëndë, tashmë brenda rrethimit, punëtorët janë të pajisur me veshjet përkatëse dhe me rripa sigurimi. Djali i viktimës shkon t’i pyesë punëtorët, sesi hyjnë në kantier dhe kush ia ka dhënë këtë punë. Por ata janë porositur të mos flasin. Ngjarja nuk është zbardhur, ndërsa “Stop” ka zbuluar, se afër kantierit, ku humbi jetën Xhovalin Pepaj, ka një biznes tjetër privat, ku ka kamera sigurie, që kanë filmuar ngjarjen, pasi këndi i kameras sheh brenda kantierit. Por Komisariati nr.3, nuk i ka sekuestruar akoma këto kamera, duke vënë në dyshime mënyrën e humbjes së jetës së punëtorit, jetë për të cilën, sot askush nuk përgjigjet.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *