STOP-EMISIONI 10(Sezoni 8) 16 Shtator 2022-Kampioni i gjyles nuk merr parate: Detyrohem te stervitem pas stadiumit.

Jemi në Durrës për problemin e zotit Azgan Zeka, kampion në disiplinën e hedhjes së gjyles në vitin 2021 dhe 2022. Po ai nuk është paguar, për atë, që i takon, kur duhet të marrë 625 mijë lekë të vjetra në muaj.Ne takuam trajnerin e tij, Emin Kosturi, i cili fajin për pagesat ia kalon bashkisë së Durrësit.Drejtuesi i klubit të Teutës, Kreshnik Leka, nxjerr pretendimin, se trajneri Kosturi i ka thënë, se Azgani do largohet nga klubi i Teutës. Ai thotë, se do ta paguajë, por për pjesën e prapambetur të parave nuk bën dot gjë.

Sot përkujtohet 80 vjetori i Konferencës së Pezës, e mbledhur në 16 shtator 1942, me qëllim bashkimin e të gjitha forcave politike në një front të përbashkët kundër nazifashizmit. Këto ditë po flitet gjithmonë e më shumë për kursimin e energjisë elektrike dhe rritjen e cmimit të saj. Ne pyetëm qytetarët, sesi do ta kursejnë energjinë dhe a i ka marrë malli për kohën e qiriut. Disa qytetarë thanë, se për shkak të problemeve me dritat, do të kthehen në kohën e romantizmit.

Për problemin e mospagesës së Azgan Zekës, kampion në hedhje gjyleje, ne ballafaqojmë shefin e klubit Teuta, Kreshnik Leka dhe trajnerin e tij, Emin Kosturi. Ata sërish dhanë versione të ndryshme për kërkesën e sportistit për t’u larguar nga klubi.Presidenti i Federatës Shqiptare të Atletikës, Gjergj Ruli, shpjegon, se përderisa Azgani ka bërë garë me Teutën, do thotë, që ka qenë sportist i rregullt me Teutën. Pra atij i takojnë paratë.Pas ndërhyrjes dhe këmbënguljes së gazetares së “Stop”, Azgan Zeka mori edhe shumën e prapambetur.

Të Fundit