Stop – Durres/ 22 kateshi i banueshem, por s’mbajne themelet, Stop i ve shiritin! (11 dhjetor 2019) – Stop
Të Gjitha

Stop – Durres/ 22 kateshi i banueshem, por s’mbajne themelet, Stop i ve shiritin! (11 dhjetor 2019)

Dëmet nga tërmeti kanë bërë, që shumica e ekspertëve të kthejnë sytë nga cilësia e punimeve të ndërtesave shumëkatëshe.Një prej ndërtesa problemtike është edhe pallati 22 katësh, në Durrës, me ndërtues Enver Shala. Ky pallat ndodhet në lagjen numër 3 në rrugën “Egnatia” dhe pas tërmetit, një akt-konstatimi, e nxjerr atë të banueshëm nga nëra anë, por themelet e tij nuk mbajnë 22 kate, nga ana tjetër.Banorët janë të trembur dhe tregojnë, se në 2005-ën projekti ka qenë për 12 kate, por pastaj ndërtuesi mori leje për 3 kate të tjera dhe më pas i shtoi edhe 7.Në zyrën e Urbanistikës, Bashkia Durrës përgjegjësja nuk flet, por shtyn kameran dhe mbyll derën.Ish-drejtorin i urbanistikës Adhurim Qehajaja, shprehet, se për këtë rast ka pasur një vendim të këshillit bashkiak për prishje, por nuk dihet, se pse ky vendim nuk u ekzekutua. Ndërsa Agron Hysenlliu, Drejtor i Institutit të Ndërtimit, shprehet, se akt-konstatimi është absurd, pasi u thuhet banorëve, që pallati është i pabanueshëm, dhe në të njejtën kohë, që themelet nuk mbajnë 22 kate. Pasi gazetarja e “Stop”vuri në dijeni Institutin e Ndërtimit, 4 grupe ekspertësh nga Universiteti i Inxhinierisë së Ndërtimit dhe Universiteti i Prishtinës, shkuan tek pallati për të bërë një akt-ekspertizë.Ata konkluduan, se pallati është i pabanueshëm dhe i vunë shiritin.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *