“Shtëpi bari” në Lezhë, kapen 2 të rinjtë me 26 kg drogë në makinë, kush i spiunoi – Stop
Aktualitet, Të Gjitha

“Shtëpi bari” në Lezhë, kapen 2 të rinjtë me 26 kg drogë në makinë, kush i spiunoi

Një shtëpi bari është zbuluar gjatë ditës së djeshme në Lezhë, ndërsa janë arrestuar 2 të rinj. Policia bën me dije se u zbulua një ambient që ishte përshtatur për të kultivuar bimë narkotike, me anë të llambave, si rezultat i të cilit u vu në pranga pronari i banesës. Dy të rinjtë e arrestuar janë spiunuar teksa po transportonin lëndë narkotike me automjetin e tyre, në aksin e vjetër rrugor Lezhë – Milot, shërbimet e Policisë Lezhë.

Policia ndaloi makinën tip “Mitsubish” për kontroll, në fshatin Pllanë, Lezhë. Si rezultat i kontrollit, brenda makinës u gjetën 3 thasë plastmasi ngjyrë e zezë, të mbushura me material bimor të dyshuar lëndë narkotike, ku pas peshimit total të tyre rezultoi 26 kilogramë pesha e tyre. Në cilësinë e provës materiale u sekuestruan lënda e dyshuar narkotike, automjeti dhe 2 aparatet celularë.

Njoftimi i plotë

Finalizohet operacioni policor i koduar “Pllana”, për goditjen e veprimtarisë kriminale në fushën e narkotikëve. Operacioni, nga Seksioni për Hetimin e Narkotikëve, në bashkëpunim me shërbimet e Komisariatit të Policisë Lezhë dhe Forcën Operacionale në DVP Lezhë. Gjatë operacionit janë arrestuar në flagrancë 2 shtetas. Sekuestrohen në cilësinë e provës materiale 26 kilogramë kanabis sativa, 1 automjet dhe 2 aparate celularë.

Një ditë më parë, gjatë një tjetër operacioni policor antikanabis, të koduar “Heat”, u godit një ambient që ishte përshtatur për të kultivuar bimë narkotike, me anë të llambave, si rezultat i të cilit u vu në pranga pronari i banesës.

Në vijim të punës për parandalimin, evidentimin dhe goditjen e veprimtarisë kriminale në fushën e prodhimit dhe shitjes së narkotikëve, bazuar dhe në informacionet e marra në rrugë operative se dy shtetas po transportonin lëndë narkotike me automjetin e tyre, në aksin e vjetër rrugor Lezhë – Milot, shërbimet e Policisë Lezhë, organizuan menjëherë punën duke bërë të mundur lokalizimin dhe ndalimin e automjetit të dyshuar tip “Mitsubish” për kontroll, në fshatin Pllanë, Lezhë.

Si rezultat i kontrollit, brenda mjetit me drejtues shtetasin A. M., dhe pasagjer shtetasin E. G., u gjetën 3 thasë plastmasi ngjyrë e zezë, të mbushura me material bimor të dyshuar lëndë narkotike, ku pas peshimit total të tyre rezultoi 26 kilogramë pesha e tyre.

Në vijim të operacionit, u bë arrestimi në flagrancë i shtetasve A. M., 26 vjeç banues në Kurbin dhe E. G., 22 vjeç banues në Kurbin, për veprat penale “Prodhimi dhe shitja e lëndëve narkotike”, kryer në bashkëpunim. Në cilësinë e provës materiale u sekuestruan lënda e dyshuar narkotike, automjeti dhe 2 aparatet celularë. Nën drejtimin e Prokurorisë, vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet iu referuan Prokurorisë së Rrethit Gjyqësor Kurbin, për veprime mëtejshme.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *