Rruga u bë virale , reagon kryebashkiaku Bulqizës: Nuk pres gjykim nga ato që jetojnë në Instagram! – Stop
Aktualitet, Të Gjitha

Rruga u bë virale , reagon kryebashkiaku Bulqizës: Nuk pres gjykim nga ato që jetojnë në Instagram!

Një ditë më parë, kreu i Bashkisë Bulqizë, Lefter Alla publikoi në faqen e tij në Facebook fotografi nga një rrugë në lagjet Zogu dhe Dragu.

Rruga e ndërtuar në bashkëpunim me banorët e zonës kishte diçka që nuk shkonte. Ndryshe nga rrugët që jemi mësuar të shohim, ishte në formën e dy vijave paralele.

Kjo zgjidhje që duket se është gjetur për të ulur koston e ndërtimit nxiti mjaft reagime, kryesisht në Instagram.

Sipas kryebashkiakut rruga është realizuar nga sigurimi i bazës materiale nga bashkia kure banorët kanë kryer punimet.

Në reagimin e tij, Alla thotë se ka shumë zona të thella që nuk kanë pasur kurrë asnjë investim nga shteti.

“Me vetëm dy fadroma që kanë punuar pa pushim në shtatë ditë të javës bëmë atë që s’ishte bërë në pothuajse tre dekada nga paraardhësit e mi në detyrë”, shprehet ai.

Kryebashkiaku shton se për të “është një trishtim i pashpjegueshëm kur shikon njerëz që në vitin 2021 këndojnë e vallëzojnë qoftë edhe për një rrugë të shtruar pas shumë dekadash”.

Lefter Alla thotë se si një bashki e vogël Bulqiza ka shumë pak fonde ndaj “detyrohen” që të bëjnë të tilla investime.

“Gjykimin dhe vlerësimin e punës time e pres nga banorët e këtyre fshatrave, e jo nga ata që jetojnë në Instagram”, përfundon ai.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *