Presidenti Bajram Begaj: I kërkova Papa Françeskut të njohë pavarësinë e Kosovës – Stop
Aktualitet, Lajme, Të Gjitha

Presidenti Bajram Begaj: I kërkova Papa Françeskut të njohë pavarësinë e Kosovës

Gjatë vizitës së tij në Vatikan, presidenti i Shqipërisë, Bajram Begaj ka dhënë një intervistë për ‘Il Tempo’, ku ka rrëfyer se ka kërkuar nga Papa Françesku që të njohë pavarësinë e Kosovës.

Kreu i Shtetit shqiptar ka theksuar se kjo njohje do të ndihmonte akoma më shumë përpjekjet për dialogun Prishtinë-Beograd, që po udhëhiqet nga SHBA dhe Bashkimi Europian.

“Roli i Papës dhe i Selisë së Shenjtë është shumë i rëndësishëm për të shtuar vëmendjen e BE-së dhe të Perëndimit, jo vetëm për të ruajtur paqen në Rajonin e Ballkanit, por edhe për të siguruar të ardhmen Evropiane të Ballkanit.

Në këtë pikëvështrim sigurisht i kërkova Papa Françeskut që Vatikani të njohë Kosovën si shtet, pasi kjo njohje do të ndihmonte akoma më shumë përpjekjet për dialog Beograd-Prishtinë që po udhëhiqen sot nga Bashkimi Evropian dhe Shtetet e Bashkuara të Amerikës”- është shprehur Presidenti Begaj.

Sipas tij, dialogu po zhvillohet me ritme shumë të ngadalta. Presidenti shqiptar informoi se ftoi Papën të vizitojë sërish Shqipërinë vitin e ardhshëm, kohë kur do të nisë zyrtarisht në Tiranë procesi i punës për ndërtimin e shenjtërores së Santa Terezës.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *