“Pasi të grabisin çdo gjë, do ikin të jetojnë në…”- Rudina Hajdari : Rama pëlqen modelin turk, të jetë sulltan, Basha atë rus – Stop
Aktualitet, Të Gjitha

“Pasi të grabisin çdo gjë, do ikin të jetojnë në…”- Rudina Hajdari : Rama pëlqen modelin turk, të jetë sulltan, Basha atë rus

Deputetja e opozitës parlamentare, Rudina Hajdari ka hedhur akuza sot nga foltorja e Kuvendit, për kryeministrin Edi Rama dhe liderin e PD, Lulzim Basha, për të cilët tha se kanë pëlqim për modelet turke dhe ruse të qeverisjes.

Hajdari madje tha në deklaratën e saj se “e kanë në plan të grabisin çdo pëllëmbë tokë me vlerë…e pasi ta bëjnë të gjithë këtë me plaçkën e bërë do jetojnë në një vend tjetër ku politikanët nuk janë kështu të babëzitur, por ku jeta la vlerë”.

“Ky që është sot kryeministër është shumë i lidhur me modelin e vjetër turk të qeverisjes i pëlqen ideja e të qenit sulltan, me fermane të shkruara natën, e ai që është jashtë që do të bëhet kryeministër nesër, i pëlqen modeli rus i qeverisjes, ku pavarësisht se çfarë duan të tjerët, ky do të mbetet në krye i njëjti person që pasi eleminon të gjithë armiqtë bashkëpunëtorët e që japin kontribut e gjak e vlerë në PD ai i shpall armiq. Deri në vdekje do të sundojë edhe nëse foleja e tij do shndërrohet nën një barake.

këta nuk e duan procesin e integrimit evropian se do të thotë më shumë fuqi për qytetarët, ligjin, kushtetutën, gjyqësorin, Shqipërinë e më pak ose aspak fuqi për 3-4 persona që për 30 vite e katandisën Shqipërinë me një bilanc negativ për cdo raport”.

Hajdari kujtoi edhe vendimin e saj për të mos e braktisur Kuvendin kur opozita dogji mandatet dhe tha:

Më është hedhur kaq shumë baltë e kaq shumë vrer se pranova të rrija në parlament kur të tjerët e PD e vendosën ta braktisin institucionet, kur e mora këtë vendim unë kisha në mendjen time një imagjinatë, një Shqipëri e cila kishte këto kushte, unë e dija dhe e di se dhuna bojkoti braktisja e institucioneve nga cdo opozitë na largojnë nga kjo Shqipëri që të gjithë e duam, jo vetëm unë si Rudinë e si politikane por e dua dhe si nënë prandaj qendrova në këtë parlament punova fort aq sa munda brenda hapësirave të pata.
E di që kontributi im vlerësohet sot maksimalisht nga partnerët tanë ndërkombëtarë por nuk mjafton. Duhet vullnet politik i të gjithë klasës politike që vendi të ecë përpara. Por më lejoni tua them që ky vullnet nuk ekziston”.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *