Në Budapest mund të pish një kafe 700… dollarë?!

Policia hungareze ka futur në lupë hotelet e Budapestit, të cilët sistematikisht faturojnë turistëve çmime të tepruara.

Në një bar në qendër të qytetit, kamerierët u kapën nga hetuesit duke i faturuar një turisti gjerman 210 000 florina (700 dollarë) kur gjithçka që ai donte ishte vetëm një filxhan kafe dhe duke e kërcënuar nëse nuk pranonte të paguante.

Sipas policisë, pronari i barit dhe djali i tij u arrestuan.

Ata duhet të dalin para një gjyqtari për gjestin e bërë.

Turisti në fjalë ka raportuar se kamerierët i kanë shërbyer vazhdimisht pije që ai nuk i kishte porositur.

Kur ai nuk pranoi të paguante shumën e lartë, kamerierët e kërcënuan se do të thërrisnin policinë dhe madje do e akuzonin edhe për shpifje.

Ankesat për vjedhje në Budapest me këtë metodë janë shfaqur vazhdimisht në forumet e turizmit në internet.

Me këtë rast, policia kishte kohë që po hetonte në këtë lokal dhe arriti të kapte në flagrancë pronarët.

Të Fundit