Mjekët: Në Shqipëri po qarkullon “gripi i syrit” tek fëmijët

Pas një viti në hije, gripi i syrit apo konjuktiviti adenoviral, është rikthyer duke gjetur përhapje të gjerë tek moshat me te vogla.

Dr Rubin Topi, mjek okulist pranë Poliklinikës së Specialiteteve nr.1 në Tiranë tha në “News 24” se shumica e rasteve po haset tek fëmijët që frekuentojnë çerdhet dhe kopshtet.

Statistikat dëshmojnë një mbrojtje imunitare tek fëmijët që kthehen në burim shpërndarje të infeksionit, të cilin e transferojnë tek familjarët.

Mjeku tregon eksperiencën e tij me klinikat e rënda të gripit të syrit që hasen kryesisht tek moshat e rritura ku rreziku i rënies së shikimit deri në verbëri mbetet i lartë.

Por ka raste kur edhe kurat mjekësore nuk japin efekt, ose mund të jenë të gabuara dhe pasojat i vuan syri që nuk rikuperohet më.

Mjeku apelon që të mos neglizhohet për asnjë rast gripi i syrit, pasi kapja në kohë parandalon rreziqet.

Të Fundit