Gjykata Kushtetuese merr vendimin, zgjedhjet lokale të 30 qershorit të vlefshme! – Stop
Lajme, Të Gjitha

Gjykata Kushtetuese merr vendimin, zgjedhjet lokale të 30 qershorit të vlefshme!

Gjykata Kushtetuese ka vendosur t’i konsiderojë të vlefshme zgjedhjet e 30 qershorit 2019, ku opozita nuk mori pjesë dhe Presidenti i Republikës, anulloi dekretin duke e shtyrë datën e e zgjedhjeve. Kjo shtyrje në atë kohë nuk u mor parasysh dhe mazhoranca hyri në zgjedhje, duke marrë drejtimin e thuajse të gjithë bashkive.

Gjykata Kushtetuese, pas konsultimit të Opinionit të Venecias, ka rrëzuar kërkesën e Shoqatës së Bashkive të Shqipërisë, që kërkonte konstatimin si antikushtetues të procesit zgjedhor të zhvilluar në 30 qershor 2019.

Arsyetimi i këtij vendimi, do të publikohet nga kjo gjykatë në vijim.

Njoftimi i vendimit të sotëm:

Gjykata Kushtetuese e Republikës së Shqipërisë mori në shqyrtim në seancat plenare publike në datat 23.06.2021 dhe 02.11.2021 çështjen me palë kërkuese Shoqata e Bashkive të Shqipërisë, me objekt:
1. Konstatimin antikushtetues të zgjedhshmërisë/procesit zgjedhor të zhvilluar në 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë, dhe si rrjedhojë konstatimin antikushtetues të zgjedhjes së anëtarëve të këtyre organeve.
2. Verifikimin e kushtetutshmërisë së veprimtarisë së partisë Bindja Demokratike në lidhje me regjistrimin e saj në gjykatë dhe zgjedhjet e datës 30 qershor 2019.

Gjykata Kushtetuese, pasi dëgjoi palët ndërgjygjëse në gjykimin kushtetues, mori në shqyrtim opinionin amicus curiae të Komisionit të Venecies,

VENDOSI:

– Rrëzimin e kërkesës.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar. /TPZ.al/

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *