Dita e flamurit, Meta: Përulem me nderim para veprës së ndritur të Ismail Qemalit

Kreu i Partisë së Lirisë, Ilir Meta është shprehur për 110 vjetorin e pavarësisë se përulet me nderim para veprës së Ismail Qemalit dhe Etërve të Pavarësisë, të cilët themeluan shtetin shqiptar.

Sot në Ditën e Flamurit Kombëtar, përulemi me nderim para veprës së ndritur të Ismail Qemalit dhe Etërve të Pavarësisë, që 110 vjet më parë themeluan shtetin modern duke patur për ideal të shenjtë vetëm Atdheun dhe fatet e Tij.

Patriotizmi, sakrificat dhe gjaku i derdhur për Flamurin Kombëtar duhen të jenë në çdo kohë pishtari që na ndriçon mendjet dhe udhën e duhur ku duhet të ecim për të mbrojtur Shqipërinë nga çdo rrezik i ri dhe për ta bërë këtë tokë të bekuar sa më të begatë, ku sot e mot të gjithë shqiptarët dhe fëmijët e tyre të jetojnë me dinjitet dhe krenari.

Lavdi përjetë 28 Nëntorit të Gjergj Kastriot Skënderbeut, Ismail Qemalit, Isa Boletinit dhe Adem Jasharit”, shkruan Meta në një postim në rrjetet sociale.

Shqiptarët kremtojnë sot 110 vjetorin e shpalljes së pavarësisë së Shtetit shqiptar.

Shpallja e Pavarësisë së Shqipërisë ishte kurorëzim i përpjekjeve shekullore dhe luftërave të pareshtura që bënë shqiptarët për çlirimin e vendit.

Të Fundit