Botërori 2022/ Kroacia dërgon Brazilin në shtëpi – Stop
Bota, Të Gjitha

Botërori 2022/ Kroacia dërgon Brazilin në shtëpi

Brazili duhet të presë më shumë se 2 dekada për t’u kthyer te triumfi në Kupën e Botës, pasi u eliminua në çerekfinale nga Kroacia, me skuadrën e Zlatko Daliç që kalon në gjysmëfinale, ndërsa Nejmar me shokë dështojnë sërish, ashtu si në Rusi 2018.

Fituesi erdhi vetëm pas penalltive, ku më të saktë u treguan kroatët: 4-2. Sërish heroi ishte portieri kroat Dominik Livakoviç, i cili priti një penallti.

Skuadrat diskutuan në shtesë biletën për gjysmëfinalen e Botërorit të Katarit, pasi koha e rregullt përfundoi 0-0.

Pas gjysmë ore loje, Perisiç do lëshonte sinjalet e para, me një gjuajtje me të majtën, por pa gjetur dot portën. Në fundin e fraksionit, Neymar merr përsipër ekzekutimin e një goditje dënimi, topi ndalet në mur, me portierin e ballkanasve që e ka të lehtë ta kontrollojë sferën.

Sërish O’ney rrezik konstant për portën e kundërshtarit, sërish ylli i PSG-së nuk mposht dot Livakoviç. Presioni i skuadrës së Tite u rrit me kalimin e minutave, por më kot, pasi Kroacia dukej shumë mirë e vendosur në prapavijë.

Goli i Seleçaos do tvinte nga Neymar, në të 105-tën. Pasime të shpeshta të 5 herë kampionëve të Botës lënë të shtangur në vend ekipin e Zlatko Dalic, që e pëson pas një rezistence të gjatë.

Neymar barazoi legjendën Pele, përsa i përket golave me Kombëtaren braziliane, me nga 77 gola.

Atëherë kur mendohej se gjithçka kishte marrë fund, Bruno Petkoviç vendosi ekuilibrat në fundin e sfidës.

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *