20-vjeçarja në Sudan dënohet me vdekje me gurë, tradhtoi bashkëshortin – Stop
Bota, Të Gjitha

20-vjeçarja në Sudan dënohet me vdekje me gurë, tradhtoi bashkëshortin

Një gjykatë në Sudan ka dënuar një grua me vdekje me gurë, pasi u dënua për tradhti bashkëshortore, rasti i parë i njohur në vend për gati një dekadë.

20-vjeçarja Maryam Alsyed Tiyrab, u arrestua nga policia muajin e kaluar, shkruan The Guardian.

Tiyrab ka deklaruar se po apelon kundër vendimit, teksa pjesa më e madhe e dënimeve me gurë, të cilat janë kryesisht kundër grave anulohen në Gjykatën e Lartë.

Qendra Afrikane për Studime të Drejtësisë dhe Paqes (ACJPS), me qendër në Ugandë, tha se dënimi shkel ligjin vendas dhe ndërkombëtar dhe bëri thirrje për lirimin e menjëhershëm të Tiyrab.

Në vitin 2020, qeveria kalimtare e Sudanit, e cila pasoi rrëzimin e Omar al-Bashir, njoftoi reforma në disa nga ligjet e saj penale të linjës së ashpër dhe politikat e sheriatit. Reformat nuk përfshinin goditjen me gurë, por në gusht vendi ratifikoi konventën e OKB-së kundër torturës.

Goditja me kamxhik, e cila u shpall e jashtëligjshme në vitin 2020, ende jepet si dënim nga gjykatat.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *